2024 жылғы 26 қыркүйекте «Самұрық-Энерго» АҚ компаниялар тобында нөлдік жарақаттануға қол жеткізу жөніндегі іс-шаралар жоспары шеңберінде «БЖЭС» ЖШС (бұдан әрі - Серіктестік) жел паркінің аумағында Серіктестік қызметкерлерінің балалары үшін өндірістік қауіпсіздік бойынша мастер-класс ұйымдастырылды.
Іс-шара еңбек қауіпсіздігі және еңбекті қорғау бойынша кіріспе нұсқаулықтан басталды. Мастер-классты Серіктестіктің инженер-шебері А.Н. Түсіпбеков жүргізіп, өрт сөндіргіштердің түрлері, олардың қолданылуы мен мақсаты туралы айтып берді. Ол сондай-ақ имитацияланған өрт ошағын сөндіре отырып, ұнтақты өрт сөндіргіштің тәжірибеде қолданылуын көрсетті. Балалар өрт сөндіруге үлкен ынтамен қатысты.
Сондай-ақ, шағын станция бастығы В.С. Васильев шағын станция мен жел паркі бойынша экскурсия жүргізді. Ол жел паркін салу барысы және қолданылатын жабдықтар туралы айтты.
Ата-аналар балаларымен шай іше отырып, жағымды күнді тамамдады.
