Компания тарихы

«Самұрық-Энерго» АҚ Мемлекет Басшысының тапсырмасын орындау және Қазақстан Үкіметі белгілеген даму жолын іске асыру мақсатында жаңартылатын энергия көздерін (ЖЭК) игеруге кірісті.  ЖЭК саласындағы жобаларлы жүзеге асыру үшін 2011 жылғы 27 маусымда 40481-1901-ЖШС тіркеу нөмірімен «Бірінші жел электр станциясы» ЖШС (БЖЭС) құрылды, бұл ұйым  «Samruk- Green Energy» ЖШС-ның еншілес компаниясы болып табылады. «БЖЭС» ЖШС жаңартылатын энергия көздері саласындағы жобаларды жүзеге асыру үшін, нақтырақ айтқанда бірінші жел электр станцияларын салу үшін құрылды.

Еуразиялық Даму Банкі (ЕАДБ) 2013 жылғы 30 сәуірде қазақстандық «Бірінші жел электр станциясы» ЖШС компаниясымен («Самұрық-Энерго» АҚ еншілес кәсіпорындарының бірі) 14,2 млрд. теңге сомасына (94 млн. АҚШ долларына жуық) 10 жыл мерзімге кредит желісін ашу туралы шартқа қол қойды. Бөлінген қаражат жобаны жүзеге асыруға бағытталды.

«Бірінші жел электр станциясы» ЖШС — Қазақстандағы баламалы энергия көздерін дамыту бағытындағы алғашқы жоба, бұл нысан жаңартылатын энергия көздерін қолдау туралы Қазақстан Республикасының қолданыстағы заңнамасына сәйкес барлық әзірлік кезеңінен өтті және техникалық-экономикалық негіздеме (ТЭН) Қазақстан Республикасының Индустрия және жаңа технологиялар министрлігімен (ИжЖТМ) келісілді.

Министрлік ТЭН-ді бекітті және электр қуатын босату тарифінің мөлшері мен оның қолданыс мерзімін анықтады. Бірінші жел электр станциясы жаңартылатын энергия көздерін пайдаланып электр қуатын өндіру саласында жұмыс істейтін, қарқынды дамып келе жатқан кәсіпорын.

2015 жылғы 15 тамыздан 2017 жылғы 31 мамырға дейінгі кезеңде — жел электр станциясы произвела  сағатына 307 миллион киловатт электр энергиясын өндірді. Осы көрсетілген уақыт аралығында биіктігі 85-метр болатын жел қалақшалары 7 миллиард 300 миллион теңгенің электр қуатын өндірді. Өндірілген қуаттың 100 пайызы Қазақстанның Ұлттық электр торабына келіп түседі.

Компания келешекте электр энергиясын өндіру қуатын ұлғайтып, 300 мегаваттқа жеткізуді жоспарлап отыр. Жел электр станциясы жобасын іске асыру баламалы энергетиканы ендіру жолындағы алғашқы қадам болып саналады, және улы газ шығарындыларын азайтуға, көмір сутегі отынын пайдаланбай, жылына 60 мың тоннадан астам көмірді үнемдей отырып, сағатына 172 миллион киловатт электр энергиясын өндіруге және өңірдегі электр энергиясын жабдықтау сенімділігін арттыруға мүмкіндік береді.  

2017 жылы жел электр станциясы толығымен іске қосылды. «БЖЭС» ЖШС жергілікті тұрғындардан 40 адамды жұмысқа қабылдап, кейіннен оларды жаңа технологиялық бағдарламалық кешендерді (ЖЭС жұмысын бақылауда операторлық дағдыны меңгеру үшін) және жел паркіне сервистік қызмет көрсетуді игеру үшін Германияға біліктілігін жетілдіруге жіберуді жоспарлап отыр.

Жобаның әлеуметтік-экономикалық маңыздылығы жоғары, Қазақстан Республикасында жел қуатын пайдалану көздерін дамытудағы алғашқы ірі өндірістік жоба болып саналады, әрі ішкі және сыртқы инвестицияны тартуға мүмкіндік береді, жаңа жұмыс орындарымен қамтып, салық түсімдерін ұлғайтады, Ақмола облысында және тұтастай Қазақстан Республикасында электр қуаты тапшылығын төмендетеді.