Жыл сайын 29 қыркүйекте әлемде Дүниежүзілік жүрек күні атап өтіледі, оған «БЖЭС» ЖШС (бұдан әрі - Серіктестік) «Жүрек-қан тамырлары ауруларының алдын алу» тақырыбында денсаулық сақтау жөніндегі айлығы орайластырылған. Денсаулық сақтау – бұл біздің жұмысымыз бен өміріміздің маңызды аспектілерінің бірі. Сондықтан Серіктестік әрбір қызметкер өзінің физикалық және эмоционалдық әл-ауқатын сақтап, нығайтуы үшін барлық жағдай жасауға ұмтылады.

Серіктестік қызметкерлері айлықты 2024 жылғы 26 қыркүйекте Серіктестіктің жел паркінің аумағында өткен веложарысқа белсенді қатыса отырып ашты.

Веложарысқа Ерейментау қаласындағы өндірістік бөлімшелердің, сондай-ақ Серіктестіктің топ-менеджментін қоса алғанда, Астана қаласындағы әкімшілік кеңсенің қызметкерлері қатысты. Барлығы 20 адам қатысты, оның 2-і әйел.

Веложарыс қашықтығы шамамен 3,3 км құрады, маршрут созылмалы көтерілулері бар таулы жерлерде жүрді. Бас директор веложарыс жеңімпаздарын дипломдар мен естелік сыйлықтармен марапаттады

Іс-шараның барлық қатысушылары күні бойы энергиямен және жақсы көңіл-күймен қуаттанды, сондай-ақ болашақта осындай іс-шараларға қатысуға дайын екендерін білдірді.